Tu âs cirût la peraule
monolengâl
torne indaûr

monolengâl

tirâ indenant loc.v.
Lâ indenant, movisi indenant, soredut cence fermâsi
sinonims
lâ indenant, lâ indevant, lâ vie dret, lâ dret, lâ dilunc, tirâ dilunc, tirâ vie, tirâ indevant
esemplis
"rivâts a ret di Fondâs, a slungjin il pas e a tirin indenant biel svelts"
gjavât fûr di "La liende di Fondâs" di Josef Cjargnel
tirâ indenant loc.v.
Lâ indenant a jessi o a compuartâsi intune cierte maniere o a fâ alc
sinonims
lâ indenant, lâ indevant, lâ vie dret, lâ dret, lâ dilunc, tirâ dilunc, tirâ indevant
esemplis
"la Italie, vitime secolâr de retoriche, e tirarà indenant mantignint la camore e la massepassuderie dai plui svelts, e mostrant a dut il mont cetant malmadure che je la sô int par une forme di vite civîl"
gjavât fûr di "La gnespule malmadure" di Josef Marchet
tirâ indenant loc.v.
Vê une cierte durade
sinonims
lâ indenant, lâ indevant, lâ dilunc, tirâ dilunc, lâ a dilunc, tirâ a dilunc, tirâ indevant
esemplis
"la fieste e tirà indenant par une setemane di file, dì e gnot"
gjavât fûr di "Microrivoluzions" di Stiefin Morat
tirâ indenant loc.v.
Vivi, sostentâsi, lavorâ e v.i., intune cierte maniere che e pues jessi specificade o soredut a la mancul piês (coloc.)
sinonims
tirâ indevant, lâ indevant, lâ indenant, tirâ dilunc
esemplis
"di aconts, Jacun, no 'nd veve mai avonde. Al veve simpri une grande dibisugne, par vie che cul lavôr nol rivave mai a paiâsi lis spesis par tirâ indenant"
gjavât fûr di "Il famei dal contin" di Alviero Negro
"in chê volte no jeri ancjemò laureade e o tiravi indenant cu lis lezions privadis"
gjavât fûr di "Trê feminis" di Gianni Gregoricchio
"cumò o ai la pension, tant che il gno om, e o rivin a tirâ indenant vonde ben"
gjavât fûr di "Doi furlans in Istrie" di Alessio Potocco
tirâ indenant loc.v.
Movi indenant
sinonims
tirâ indevant
esemplis
"domenie e cambiarà la ore, si varà di tirâ indenant lis speris dal orloi"
tirâ indenant loc.v.
Puartâ indevant une ativitât in mût che no si fermi o ancje fâ lâ indevant, fâ procedi, fâ cressi alc di imateriâl tant che une idee, un valôr, une tradizion e v.i.
sinonims
tirâ indevant, parâ indenant, puartâ indevant, mandâ indenant, mandâ indevant, parâ indevant, puartâ indenant
esemplis
"[lavorâ tant in mût che] al vanzi materiâl di meti in tasse par doprâlu in Sierade intal for e di podê tirâ indenant la produzion de fornâs il timp che al glace"
gjavât fûr di "Storie di Min" di Ivano Urli
"par tirâ indenant une idee, un gjornâl, un partît, bisugne jessi libars"
gjavât fûr di "Felix Marchi: une vite par une idee" di Antoni Beline
tirâ indenant loc.v.
Fâ in mût che a sedin avonde risorsis par lâ indenant
sinonims
tirâ indevant, mandâ indenant, parâ indenant, tignî sù
esemplis
"a Montenârs, une volte a jerin passe 60 rocui che lis fameis a dopravin par cjapâ i ucieluts e tirâ indenant la economie familiâr"
gjavât fûr di "Rocui, un patrimoni furlan te memorie di Pre Checo" di Piero Cargnelutti
torne sù